entywbas.com - one tag
الأحد 24/مايو/2020

خاص.. الشيف شيماء شعبان توضح طريقة عمل الغريبة.

بقلم سارة عصام
انتي وبس

مع قدوم عيد الفطر نقوم بإعداد كحك وبسكوت العيد، لذلك تواصل موقع انتي وبس مع Shaimaa.shaaban.kitchen لتوضح لنا طريقة عمل الغريبة.
المقادير
٢ كوب دقيق
١ كوب سمنة ساقعة
نص كوب سكر بودرة منخول

الطريقة
نضرب السكر مع السمن بالمضرب كويس ثم نضيف الدقيق و نلم بإيدينا
 نحطها فالثلاجة من ربع لنص ساعة و نطلعها نكور و ممكن نحط فالكور لوز او فستق او لولى و ندخلها الفرن على ١٥٠ - ١٦٠ لمدة ١٠ ل ١٢ دقيقة. 

ملحوظات
الغريبة سهلة جدا بس اهم حاجة نعمل الخطوات صح و نخلى بالنا من حاجات مهمة زى:
-لازم تكون بالسمنة و يكون نوع كويس جدا و كمان لازم تكون ساقعة. 
-لازم ننخل السكر و الدقيق. 
-الغريبة مش بتاخد لون فالفرن يعنى بتطلع فاتحة من تحت عادى بتطلع طريه شوية بس اوعى تحركيها من الصينية لحد ما تبرد خالص و تمسك. 
خاص.. الشيف شيماء شعبان توضح طريقة عمل الغريبة.